教會你講大話

過半數,即係幾多?如果係沿用選委會嘅千二人,即係六百幾,接近梁振英嘅689;如果增加至千六人,即係八百,就仲多過689嘅當選票數!

但唔好忘記,呢個只係提委會,卻係盲嘅都睇得出佢係做緊舊有選委會做嘅嘢,就係佢幫香港人選埋,所謂一人一票普選,只不過係叫你班白癡港豬做橡皮圖章確認你收咗貨而已。

喺呢個時候,香港教會喺邊?哦,政治嘅嘢,我哋要中立!

中立乜嘢啊?呢啲仲係政治嘅嘢?講得出呢句話都已經係講大話啦!

呢啲明顯已經唔止係政治問題,係真與假嘅問題啦!當權者同佢嘅擦鞋友包括好大班話自己係基督徒嘅耶能一齊指鹿為馬,將啲嘢捩橫折曲,仲要用各種偽命題、偷換概念以及更多無恥嘅手段來抺黑抗爭者,叫香港人袋住先。

香港教會,你喺邊?!點解仲要同呢班假信徒客氣?仲要同呢班無神論中共邪教嘅契弟稱兄道弟?

發佈留言

發佈留言必須填寫的電子郵件地址不會公開。 必填欄位標示為 *