廉記擒龍

廉署這次拘捕行動,會否又是另一次雷聲大雨點小的無疾而終呢?既抓得肥龍,幾時會到他的老友煲呔?

大驚小怪

狼在成功掠食以後,回到西域的狼窟見娘,有啥希奇?何以會有人大驚小怪?唔係預咗嘅咩?佢唔去你先搲頭問究竟佢打咩主意啦!

今時今日有咁嘅態度都收貨啦!

好記得二十幾年前,聽過有啲長輩反對香港有直選嘅理由係驚啲後生仔會亂咁選,選個譚詠麟或者張國榮之類出來做特首,話咁就弊家伙喇!我當時已經心裡面話嗰啲老嘢嘅論調係無知兼侮辱,嗱嗱嗱,風水輪流轉,你睇今時今日幾多人寧願搵劉華做特首,都唔想見到唐梁做,真係前世!

天起了「梁」風

據天文台預測,本港午後北風會逐漸增強,未來兩天氣溫會顯著轉「梁」,最低會降至13度……十三……大凶之兆乎?

公主病嘅基督徒

有啲人真係冇得救,成日淨識話人唔presentable,用語過激,所以唔支持嗰啲激進份子,叫人哋先改吓啲態度,重要撻啲完全唔relevant嘅聖經金句,講咩要慢慢嘅動怒、勒住舌頭,其實係自己扮高貴、扮君子淑女,明明死到臨頭都重向上帝祈禱,expect救你嗰個係白馬王子,重公主病過啲後生女!有時衰啲講句,你既然咁想死,唔通……!

流‧白

奢望各選委後天移情「白」小姐,讓「流」先生可以出選!

天生反思狂

有人喜歡用正面思維來催眠自己,遺憾我永遠也做不到,也不期望自己有天會這樣做,或許這正是我沒法取得「成就」的原因。

基本法精神

我很少收聽電台廣播,今天難得在髮廊修髮時聽了半句鐘。

其中聽到一個由政制及內地事務局特約的廣告,以寓言故事金斧子銀斧子作藍本,把斧子改作手機,說故事主人公掉了手機進湖裡,神仙問他可是掉了一只第五代的智能手機,他謊稱「是」,神仙當然即時揭破他講大話,但他卻辯稱只想有一只手機用來上網參加即將舉行的一個關於認識基本法的比賽活動云云,而神仙聽後竟因主人公這「意圖」別具意義而放過他,並把那只手機送了給他!

故事的潛意識是:原來,為了認識「正義」的基本法,什麼不正義的手段也無所謂!叫聽眾們未知什麼是基本法條文,也可先體會基本法的精神!

譚志源弟兄,well done!

「君子在撲火 吹不走暖烟」

狼營裡既有飯焦做競選辦主任,如今又有李大國手做打手,此二人當年如何攜手搞砸香港教育,歷歷在目,記憶猶新,係我最討厭的兩個人。先別論狼的本相有多狼,或牠在行會中說過什麼,也不理牠身邊那隻民主英熊是黑(道)還是白(痴),但我信物以類聚,狼的管治理念和手段如何,看牠的團隊和夥伴就夠(死)了!但有些香港人比狼更殘忍,竟然強求狼會變得馴良,為社會帶來和諧,係咪睇《狼羊物語》睇到short咗?抑或是以為自己已經到了舊約聖經預言的彌賽亞國度?

Let’s Prey!

近年有某啲基督教機構或社團鍾意推出一啲所謂其實不知所謂嘅祈禱文,一味淨係識搬出聖經經文改成第一身代入,偷換概念就攞來話為社會為政府祈呢樣祈嗰樣。你跟佢祈,愈祈就只會感覺愈莫明妙奇,因為根本唔知自己祈緊咩!重好wonder乜呢啲真係上帝嘅心意咩?乜歷史嘅主係咁做嘢嘅咩?近年重要久唔久就搞吓嗰啲洗腦式嘅所謂祈禱大會(其實似祈福大會多啲),我唔敢講話呢啲聚會係「招損」,但就幾乎肯定係「無益」!