終於有波睇

家中沒有NOW TV,這幾年來,英超和歐聯大部份的賽事都給錯過了,慶幸今季有線重奪歐聯轉播權,又有好波睇咯!昨夜英超快車,曼聯敗走般尼,雖未能親睹,但單看文字報導也叫我透心涼的!紅魔此支衛冕冠軍,今夏賣走C朗,令中場星味盡失,兩仗下來,只入一球,費Sir都要認真諗下計,其實我都很想看見奧雲這個過氣歐洲足球先生神話般復活過來,慨嘆施丹和伯金退役以後,已找不到半個愈老愈有的Legend。另一邊廂,熱身賽表現平平的熱刺卻先勝紅軍再炒侯城,躍居榜首,真係估佢唔到,不過這陣虛火可能轉瞬即滅,不敢睇好。海牛一向捧的是另一支倫敦球會兵工廠,但願他們季初的佳態能延續下去吧!

發表迴響

你的電子郵件位址並不會被公開。 必要欄位標記為 *