公主病嘅基督徒

有啲人真係冇得救,成日淨識話人唔presentable,用語過激,所以唔支持嗰啲激進份子,叫人哋先改吓啲態度,重要撻啲完全唔relevant嘅聖經金句,講咩要慢慢嘅動怒、勒住舌頭,其實係自己扮高貴、扮君子淑女,明明死到臨頭都重向上帝祈禱,expect救你嗰個係白馬王子,重公主病過啲後生女!有時衰啲講句,你既然咁想死,唔通……!

Let’s Prey!

近年有某啲基督教機構或社團鍾意推出一啲所謂其實不知所謂嘅祈禱文,一味淨係識搬出聖經經文改成第一身代入,偷換概念就攞來話為社會為政府祈呢樣祈嗰樣。你跟佢祈,愈祈就只會感覺愈莫明妙奇,因為根本唔知自己祈緊咩!重好wonder乜呢啲真係上帝嘅心意咩?乜歷史嘅主係咁做嘢嘅咩?近年重要久唔久就搞吓嗰啲洗腦式嘅所謂祈禱大會(其實似祈福大會多啲),我唔敢講話呢啲聚會係「招損」,但就幾乎肯定係「無益」!